Laguntzeko mota batzuk…
Liburuak erosi
LIBUn erosten duzun liburu bakoitzak eragin zuzena du gehien behar duenarengan: bazterketa-egoeran dauden pertsonak, Zubietxen artatzen ditugunak.
Banan-banan eros ditzakezu, edo opari kolektiboetarako presta ditzakegun pack berezietan: urtebetetze-jaiak, enpresa-liburutegiak, edo irakurketa-txokoa ile-apaindegian edo kafetegian. Zatoz eta galde iezaguzu, ideia (eta liburu) pila bat ditugu.
Liburuak eman
Zure liburuak ere eman ditzakezu, pena pixka bat izan arren, bizitzen jarraituko dutela ziurtatzen dizugulako. Kontsultatu dohaintza egiteko baldintzak (oso errazak).
Jendeak denbora pasatzen duen lokal bat baduzu, agian irakurketa-txoko bat muntatu nahiko duzu. Hitz egingo dugu? Asko gustatuko litzaiguke zuri laguntzea..
Bolondresa izan
Denbora baduzu eta liburuei eta pertsonei aukerak ematea bezain gauza ederrean erabili nahi baduzu, LIBU zure lekua da. Gure boluntariotza-programa zure prestasunera egokitzen da, eta badakizu: beti dago asko egiteko.
Liburuen jendea
Jarduera polit baterako ideiaren bat baduzu, zure obra aurkeztu nahi baduzu, edo tailer bat proposatu nahi baduzu, zatoz LIBUra. Gure kultur eskaintza zabaltzeko irrikan gaude eta gustura egingo dugu zurekin.
Elkarteak
Leku hobea bururatzen zaizu literatura-tailer bat egiteko? Hirugarren sektoreko elkarte batean lan egiten baduzu, familia gara eta LIBUn etxean egongo zara. Gure agenda eta liburuz eta bizitzaz inguratutako gunea zure eskura jartzen ditugu.
Enpresak
Enpresa bat bazara, bokazio soziala duen erakunde bat, ez zenuke zure jarduerak zabaltzeko aukera galdu behar, magia eta osagai onenak dituen proiektu batean: liburuak bizitzari itzultzen dizkiogu eta pertsonentzako aukerak sortzen ditugu. Ezinezkoa, ez duzu uste?